فضفضه شبابيه

فضفضه شبابيه

فضفضه شبابيه
 
الرئيسيةالتسجيلدخول

شاطر | 
 

 انا والبطيخ و هواك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقه القمر
المشرف العام
المشرف العام
avatar

انثى
العمر : 28
المزاج :
الجنس :
مهن :
هوايه :
نقاط : 418
تاريخ التسجيل : 03/12/2008

مُساهمةموضوع: انا والبطيخ و هواك   الجمعة فبراير 13, 2009 2:05 am

انا و البطيخ وهوااك .. برنامج .. للحب.. و عن الحب

مع عاشقه القمر
الحب

ذلك الشعور السهلبيسي الذي يزعزغ عقول البشر

و يهشك
قلوبهم


مستمعينا لسه بنتكلم عن الحب وحلقتنا النهارده عن


الاستهبال في الحب
معاكم عاشقه علي نجوم fm مزيكا علي كيف كيفك


في.. انا و البطيخ وهوااك

من دلوقتي ولمدة ساعتين
مستنين
تليفوناتكم علي 6066
او علي 8555022
او علي ايميل البرنامج
علي هوااك
ات نيل راديو بروداكشن دوووت كوووم
برعاية ابليس كومباني و ان تاتش و كريمات
زحلقها



دايما بتمر بينا اوقات بنحس فيها اننا مش قادرين نعيش من
غير الحب و من غير الحبيب
و الشعور دا متوالد و منبثق من الاحساس التواجدي
الكوني في اللامركزيه العصبيه للقلب
و دايما بتقابلنا مواقف كلها استهبال في
الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب
..
وخصوصا اننا جيل موبيلات و انتوا عارفين ان انا عندي 20 سنة فحسة بيكم و
حاسة بمشاكل الجيل كلها بالنسبة للشباب.....



اولا الرصيد اللي بيخلص
في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما
الرصيد يقرب يخلص تقولها بحبك بحبك بحب.......ك
تقولك انت بتستهبل يا حبيبي
اتلم لساورس يشوفنا



او حبيبتك اللي تفضل تكنسل عليك تكنسل عليك
عشان استخسرت فيها كوزين درا علي الكورنيش
و انت اصلا مفلس مش لاقي تاكل و لما
تيجي تصالحها علي الموبايل تلاقيها بتكنسل ..
فتضطر تصالحها بكارت ب 5 و تستهبل
.. تلاقيها بتصرخ في وشك و تقول
انت بتستهبل؟؟
اقل من 200 متورنيش وشك




و حبيبك اللي ييجي في اوقات يعمل فيها عالم فلك و يقولك انا بقرا
الكف
و يفضل ماسك في كف ايدك ولا كأنه شاف ايدين قبل كدا
و في الاخر
تقوليله
انت بتستهبل ؟؟ حد يشوفنا
و انتوا اساسا قاعدين في الشارع




مستمعينا الاستهبال في الحب حالة بتمر بكل المهاطيل و المهابيل من
ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي



مستمعينا مستنية تليفوناتكم علي 6066
او علي 8555022
او علي
ايميل البرنامج
علي هواك ات نيل راديو بروداكشن دوووت كوووم
برعاية ابليس
كومباني و ان تاتش و كريمات زحلقها ياما زحلقها



نستقبل اول اتصال
تليفوني و نقول الوو

الوو


الووو


الووووو


واضح ان الخط قطع

- الوو ايوا يا عاشقه
اهلا نتعرف بيكي
..

- بسمة من بنــــــــــــــــها

اهلا بيكي يا بسمه ياريت تعلي
صوتك شويه

- معلش يا عاشقه اصل انا بتكلم من تحت البطنية ..

مفهوم
طبعا عشان محدش يقفشك و انت بتتكلمي
بسمة بنتكلم النهارده عن الاستهبال في الحب
.. تقدري تقوليلي يعني ايه الاستهبال في الحب و بيمثل لك ايه

- بصي يا عاشقه اولا انا بموت موت موت جدا طحن في البرنامج بتاعك و والله مش بفوت ولا حلقة
منه ابدا خالص
و سلميلي علي الشقي الحكروت موت موت حتومه و قوليله انه لذيذ
اووووي و بنحبه مووت موووت ..


هو بيضحك وفاتح بقه زي الاستففر الله اهوه
و بيقولك
مرسي ليكي يا بسمه


- يا عاشقه انا بكلمك عشان الحلقة
بتاعتك النهارده مخصوص عشاني
انا كنت بحب واحد و انا في 2 ابتدائي و فضلنا نحب
بعض للجامعة


جميل


- اهـء اهـء اهـء


لا اهدي يا
بسمه و قوليلي ايه اللي حصل

- يا عاشقه اخد كل حاجة كل حاجة

اححمم

حتى الموبايل


- يا عاشقه بقولك كل حاجة
اهـء هـء هـء


طيب اهدي يا بسمه
بصي يا بسمه
الحب شعور متبادل بين اتنين

مينفعش طرف واحد من غير الطرف الاخر و لازم الاتنين يكونوا متفاهمين و متعاونين

هو دا الحب اللي هايدوم طول العمر و بكدا نحل كل المشاكل اللي تقابلنا حتى
مشكلة غسيل الالوان مع الابيض .. لان تايد
برغوته الجديدة حل المشكله

مستمعينا نسينا نقول ان تايد من رعاة البرنامج
مع تاااااايد في الغسيل مفيش
مستحييل
بشكرك يا بسمه علي اتصالك و بهديلك اغنية السوبر ستار عمرو دياب
....


يا قاعدة علي الترعه و بتغسلي المواعين
جاتك ستين وكسه دا شرفك
بقا في الطين




نص ساعة اعلانات ..




انا و
البطيخ و هواك برنامج للحب و عن الحب
مع عاشقه القمر
الحب
لحظات من الامل
متولدة في وسط غابات الغضب البشري الجارف المتعارض مع احداث الحياة
فالحياة
بدون حب
كالشجرة بدون موبايل ..

مستمعينا لسه بتكلم عن الحب و لسه
بنسأل عن الاستهبال في الحب
مستنية تعليقاتكم علي 6066 او علي 8555022
او
علي ايميل البرنامج
علي هواك ات نيل راديو بروداكشن دوت كوم برعاية ابليس
كومباني و ان تاتش و كريمات زحلقها و بيبسي و كوكا كولا و تايد و برسيل و اومو و
اريال ..



الوقت بيمر معاكم بسرعة و حاتم بيضحك مش عارفة علي ايه بس
تقريبا عشان البت اللي بتبيع ترمس علي كوبري ابو العلا حولت له 5 جنية رصيد ..


هاه ؟؟ عشره رصيد

طيب اشطه يا حتوم .. اختك بقا هاه



نستقبل اتصال تليفوني و نقول الووو

الووو


الووو


الوووووو

الظاهر الخط قطع

الوو ايوا يا عاشقه
اهلا نتعرف بيكي
ياريت تعلي صوتك لان الصوت بعيد اوي

_معلش
اصل انا بكلمك في الحمام

انا سماح من المنصورة

اهلا بيكي يا
سماح


سماح بنتكلم النهادرة عن الاستهبال في الحب
انت ايه رأيك في
الاتستهبال عامة و خصوصا في الحب

_عاشقه انا عاوزه اقولك في الاول انتي انتي
احلى و اجمل اعلامية و صوت شفته في حياتي و انا بسجل كل الحلقات بتاعتك و بحبك
اوووي يا عاشقه
ربنا يخليكي يا سماح ..

انا كنت بحب واحد نجار مسلح و
بعدين كنت في يوم ماشية في الشارع لابسه بضي جميل و ديق موووت و بعدين واحد عاكسني
فحبيبي شلحف

مين يا سماح ؟؟

_شلحف هو اسمه شادي بس انا بدلعه شلحف

قام ضارب الواد اللي عاكسني بالعتله الحديد شاقق له دماغه
هو دلوقتي في
السجن
و انا بحبه اوي يا عاشقه و مش عارفه اعمل ايه
و اهلي بيضغطوا عليا
مووووت مووووت عشان اتجوز واحد قد ابويا
عاشقه انا مش عارفه اعمل ايه


بصي يا ست

_سماح

اه سوري

بصي يا سماح

بنقابل
ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه
سعات بيحب انه يتكون على حبيب و حبيبه
و حبيبك بيحبك و ان شاء الله يطلع
بالسلامة
بس تعرفي هولو كان العتله الحديد مصنوعه من حديد عز اكبر مصنع في
الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي
لان حديد عز يتميز بالصلابه و القهوه و السيخ مظبوط و بالتمام ..

شكرا يا
سماح على اتصالك و بهديلك اغنية السوبر ستار محمد فؤاد


يا مسجون في
لومان طره
نفسي اكل معاك كوز دره




مستمعينا كنا بنتكلم عن
الحب و بنسأل عن الاستهبال في الحب
وانا في انظار الحلقة القادمة ان شاء الله
لمناقشة موضوع جديد
باي

انتظرونى فى الحلقه القادمه عاشقه القمر

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
Admin
avatar

ذكر
العمر : 30
المكان : فى بلدنا
المزاج :
الجنس :
مهن :
هوايه :
نقاط : 408
تاريخ التسجيل : 04/11/2008

مُساهمةموضوع: رد: انا والبطيخ و هواك   الأحد فبراير 15, 2009 1:34 am

هههههههههههههههههههههههه

الله عليكى يا اجمل مذيعه فى هذا الزمان

بجد نحفه وعسل على قشطه

تحن فى انتظارك فى الحلقه القادمه فى سرع وقت

_________________




[/i]خلصت الحكايا وخلاص احنا فاخرها ووصلنا للنهايه وبالخير افتكرها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fdfda.3arabiyate.net
عاشقه القمر
المشرف العام
المشرف العام
avatar

انثى
العمر : 28
المزاج :
الجنس :
مهن :
هوايه :
نقاط : 418
تاريخ التسجيل : 03/12/2008

مُساهمةموضوع: رد: انا والبطيخ و هواك   الأحد فبراير 15, 2009 2:38 am

هههههههههههه
ميرسى يااحمد على كلامك الجميل ده
وان شاء الله هاجيب ليكوا حلقه حلوه المره الجايه
وتكون من تاليفى بس دى مش من تاليفى

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقه القمر
المشرف العام
المشرف العام
avatar

انثى
العمر : 28
المزاج :
الجنس :
مهن :
هوايه :
نقاط : 418
تاريخ التسجيل : 03/12/2008

مُساهمةموضوع: اللمبي) مع( اسامه منير) في انا والبطيخ وهواك   الجمعة فبراير 20, 2009 3:07 am

اهلا بيكم في يوم جديد مليان بالحب.وحلقتنا النهارده بتتكلم عن
التجارب

العاطفيه.وناخد اول اتصال ونقول الو

الو...الووو(اسامه من
جواه:رد اشوف فيك 6 شهور)

اها يظهر الخط قطع.

المتصل:انت مين
ياض.

اسامه:حضرتك برنامج نجوم اف ام.

اللمبي:ايه ده كل ده اسم.مش
عارفاك ياض.

اسامه:انت عالهوا.

اللمبي:لا اللمبي.

اسامه:ايوه
بس انت عالهوا دلوقتي.

اللمبي:ياعم انا اللمبي من زمان ودلوقتي وكل وقت.انا
اللمبي.يعني اغني اغنياء المنتدي قصدي المنطقه.يعني 7 فدادين
اجرام.


اسامه:هو حضرتك بتشتغل ايه؟

اللمبي:مش فاضي بس طلعت عربيه
كبده ابوه وطازه ولسه طالعه من بطن الحيوان سعادتك.

اسامه كنا بنتكلم عن
التجارب العاطفيه.

اللمبي:يلا مش مهم.

اسامه:لا بسال حضرتك ليك تجارب
عاطفيه.

اللمبي:نوسه.ربنا يمسيها بالخير.

اسامه:ونوسه دي بنت
حضرتك.

اللمبي:لا دي الموزه بتاعتي.بس مشيت مع واد من شباب اليومين دول.اللي
بيشيلو الموبايل.مسيري اجيب خط واجيلك يا نوسه.دانا عملتلها قصيده جامده
.

اسامه:نسمع حاجه منها.

اللمبي:انتي يا بت.الحب الحب.الشوق
الشوق.بلوبيف بلوبيف.تكييف تكييف.ول ياول.وز يا وز.حلو يا حلو.من طرق اخوكي
اللمبي.

اسامه:يظهر الخط قطع او( اسامه جاله شلل نصفي او كلي).

ناخد
اتصال تاني.الو

المتصل:الو مساء الخير.

اسامه:مساء
النور.

علاء:ممكن اكلم حاج علي.

اسامه:لا النمره
غلط.

المتصل:طب شكرا اوي.

وناخد اتصال اخير ونجول
الوو.الووو

المتصل:علو.

اسامه:نتعرف بيكي. المتصل:مين
معاي.

اسامه:حضرتك برنامج زفت نجوم زفت.نتعرف بيكي.

قتكات:انا بسمعك
في الراديو .انا فتكات من كفر قلمه في طوخ مركز ولاد ابو وائل.

اسامه:حضرتك
متجوزه. فتكات:انا جوزي هريدي من اعيان البلد عنده 70 فدان و6
ابراج.

اسامه:ابراج ايه حضرتك.

فتكات:ابراج حمام.

اسامه:اه
الخط يظهر قطع ومش هشتغل الشغلانه دي تاني حررررررررام الرحمه حلوه.

كان
معاكم اسامة منير علي نجوم اف ام مزيكا علي كيف كيفك
في انا و البطيخ و هواك من
12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك
استنوتا يوم الحد في نفس الميعاد قبل ساعتين من دلوقتي علي نجوم اف ام 100.6

مزيكا علي كيف كيفك

برعاية



ان تاتش
و ماكدونالدز

و مؤمن
و اريال و تايد
خديجه جمال مبارك
سوزان
و كنتاكي
و
مصنع كوبايات ام سمير
و كراسة الاول
سلاح التلميذ
سوق الخضار في
السبتيه
مصنع كريمات ام وائل
كوافير ام ابراهيم للسيدات و قسم خاص للمحجبات

مزرعة دواجن ابو احمد لتسمين العجول
النادي الاهلي و الزمالك
اديداس و
بوما و نيكي و لوتو و امبروو
اميجو كوتشي بينور
امريكانا الجودة
لانشون
حلواني الإخوان
مجلس الشعب
سمنة الهانم
حديد عز

هههههههههههههههههه

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سندس
المشرف العام
المشرف العام
avatar

انثى
العمر : 28
المزاج :
الجنس :
مهن :
هوايه :
نقاط : 5
تاريخ التسجيل : 17/12/2008

مُساهمةموضوع: رد: انا والبطيخ و هواك   الثلاثاء فبراير 24, 2009 9:29 pm

ههههههههههههههههه
لا حلوه عاشقه
جميل جدا التوبيك ده

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا والبطيخ و هواك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضفضه شبابيه :: فضفضه عامه :: منتدى الضحك والكوميديا-
انتقل الى: