فضفضه شبابيه

فضفضه شبابيه

فضفضه شبابيه
 
الرئيسيةالتسجيلدخول

شاطر | 
 

 كرنفال "عيــــــد الحـــــب "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقه القمر
المشرف العام
المشرف العام
avatar

انثى
العمر : 29
المزاج :
الجنس :
مهن :
هوايه :
نقاط : 418
تاريخ التسجيل : 03/12/2008

مُساهمةموضوع: كرنفال "عيــــــد الحـــــب "   الإثنين فبراير 09, 2009 12:01 am


كل سنة وأنتم
طيبين
طبعا عيد الحب خلاص على
الأبواب..

وأكيد في الوقت ده كل بنت وكل شاب كل واحد قاعد عمال يفكر يجيب
إيه؟!
ويعمل إيه في اليوم ده؟!

وأكيد كل واحد نفسه يجيب هدية
متميزة

علشان
يعبر فيها عن مشاعره تجاه الشخص اللي بيحبه




دي مجموعة من الأفكار اللي حبينا نقدمهالكم
علشان تساعدكم على اختيار الهدية المناسبة....وعلى فكرة احنا جبنا مجموعة كبيرة من
الأفكار علشان نحاول نرضي جميع الأذواق وده لأن فيه ناس بتحب الهدايا التقليدية
الخاصة اللي بتعبر عن عيد الحب وفيه ناس تانية بتحب الهدايا العادية فحبينا نرضي
جميع الأذواق بمجموعة الهدايا دي..




نشوف الهدايا
الهدايا المناسبة للبنات

ولأن البنات أولا في كل شيء فدي مجموعة من الهدايا اللي ممكن تيجي للبنات في
عيد الحب....

علبة مجوهرات خشب كبيرة متعددة الطوابق علشان
البنت تشيل فيها أي مجوهرات عندها أو أي أوراق مهمة






علبة مجوهرات فضة صغيرة ودي علشان تشيل فيها أي
حاجة خاصة أنت هتقدمها زي دبلة الخطوبة مثلا



قطعة إكسسوار زي خاتم أو حلق أو عقد لولي وعلى فكرة
ممكن الإكسسوار ده يكون أصلي "ذهب أبيض" أو "أصفر" أو ممكن يكون تقليد يعني على حسب
الإمكانيات والفلوس اللي معاك



شنطة ماكياج أو شنطة فيها مجموعة شامبوهات للعناية
بالبشرة أو الجسم أو أي حاجة من الحاجات اللي بتهم البنات



شال شيك ولو كانت البنت محجبة ممكن تجيب لها مجموعة
من الإيشاربات الشيك


قلب في السلسلة علشان تحط فيه صورتها وصورتك
أو ممكن تعمل لها سلسلة فضة أو ذهب وتطبع عليها بالليزر صورتك وصورتها




محفظة جلد طبيعي علشان تفضل فاكراك على
طول




الهدايا المناسبة
للشباب

ممكن أي بنت تعرف الإنسان اللي هي
مرتبطة بيه بيحب إيه وتجيب له الحاجة اللي هو بيحبها أو ممكن تشوف هو محتاج إيه
وتجيبه، والهدايا بتكون زي..

كرافت شيك وياريت تكون لونها
نبيتي علشان تكون مناسبة لعيد الحب



محفظة جلد طبيعي علشان يفتكرك بيها على
طول




زجاجة بارفان ماركة كويسة


ماكينة حلاقة كهربائية هي غالية شوية بس شيك
أوي كهدية




كاميرا ديجيتال أو عادية هيفرح بيها أوي خصوصا لو
كان بيحب التصوير..




ساعة يد شيك



كوفية حمراء علشان يلبسها كل عيد حب




ميدالية فضة أو كريستال وعلى فكرة مفيش
شاب مش بيحب الهدية دي بالذات

هدايا بسيطة بس بتفرح القلب أوي


فيه نوعية تانية من الهدايا البسيطة جدا بس على فكرة على
قد ما هي بسيطة إلا أنها بتفرح القلب أوي أكتر من أي هدايا تانية وده لأنها أكتر
أنواع الهدايا المرتبطة بعيد الحب وعلى فكرة الهدايا دي ممكن تمشي للبنات والولاد
كمان....



بوكيه ورد ويا سلام لو كان أحمر


قلب كريستال

بوكيه فيه مجموعة من الدباديب
الصغيرة


دبدوب كبير

علبة شيكولاتة ويا سلام بقى لو كانت من النوع
اللي بيحبها أو بتحبها


مج
فيه شويه حركات دلع تناسب عيد الحب زي قلوب أي كلمة حلوة بتعبر عن
الحب


مخدتين كل واحدة فيهم عليها اسم كل واحد فيكم وكل
واحد ياخد المخدة اللي مكتوب عليها اسم التاني


مجموعة بالونات حمراء مخصوصة لعيد الحب


برواز خاص بعيد الحب




هدايا من صنع إيدينا


ولأن مفيش أجمل من الهديا
اللي احنا بنعملها بنفسنا في يوم زي ده فدي شوية أفكار بسيطة ممكن نعمل زيها
بنفسنا...




شموع عيد الحب من صنع إيدينا!

طبعا الشموع من أكتر الحاجات المرتبطة بعيد الحب
علشان كده بنلاقي إن ثمن الشموع بيكون غالي جدا في عيد الحب بالرغم من أننا ممكن
نعملها بنفسنا ومن غير ما تكلفنا حاجة خالص مش كده وبس ده احنا كمان ممكن نزينها
بنفسنا وبكده هتبان كأننا شارينها من أحسن وأفخم محل متخصص في الهدايا..



كل اللي هنحتاج
إليه:

• حلة كبيرة
وحلة تانية أصغر منها وده علشان نعمل حمام ميه ساخن للشموع.
• شموع قديمة ملونة أو بيضاء.

فازلين.
• فورمات جاهزة لتشكيل الشمع.

الطريقة:
1. أول حاجة هنعملها هي إننا هنذوب الشموع القديمة
اللي عندنا في حمام ميه سخنة وده عن طريق إننا نحط في الحلة الكبيرة الميه ونحطها
على النار علشان الميه تسخن وبعد كده نحط الحلة الصغيرة في الحلة الكبيرة ونحط فيها
الشمع ونغلي الميه لغاية ما الشمع يذوب تماما.

2. هنجيب فورمات جاهزة لتشكيل الشمع وندهنها بالفازلين وده علشان
يكون سهل علينا إننا نخرج الشمع المشكل منها...بعد كده هنثبت الفتيل أو الدوبارة عن
طريق ربط الفتيل في قلم رصاص ونضع القلم الرصاص على سطح الفورمة اللي هنحط فيها
الشمع وبعد كده نصب الشمع وناخد بالنا إن الفتيل يكون نازل في داخل الفورمة
دي.

3. هنسيب الشمع لغاية ما يبرد نهائي وبعد كده
نخرجه.

بكده بقى عندنا مجموعة من الشموع الجميلة اللي احنا
عاملينها بإيدينا وعلى فكرة احنا لينا حرية الاختيار في عمل أي حجم للشموع احنا
عايزينه فمثلا ممكن نعمل نفس الفكرة السابقة ونصب الشموع فورمة صغيرة صغيرة على شكل
قلوب أو ممكن نعملها بحجم الشمعة العادية أو ممكن نعملها كبيرة..

على فكرة ممكن نزين الشموع دي بأي شكل احنا عايزينه، ودي شوية أفكار ممكن
تساعدنا في تزيين شموع عيد الحب..

شموع بأشكال
جديدة

شمعة عريضة ملفوف عليها كارتون ملون مقصوص على
شكل
قلب بالإضافة إلى بعض من حبات اللولي اللي احنا
بنركبها بالخيط على الكارتون
وبعد كده بنلزقهم على
الشمعة


مجموعة من الشموع العريضة ملزوق عليها أوراق
الأشجار


مجموعة من الشموع العريضة منثور عليها مادة ملمعة
يأي شكل احنا عايزينه


كمان ممكن نحط الشموع في كاسات شفافة أو كوبايات
شفافة


كمان ممكن نعمل الشموع دي ونحطها على حامل
فيرفورجيه"حديد"




_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nour
المشرف العام
المشرف العام
avatar

انثى
المزاج :
الجنس :
مهن :
هوايه :
نقاط : 111
تاريخ التسجيل : 17/12/2008

مُساهمةموضوع: رد: كرنفال "عيــــــد الحـــــب "   الخميس فبراير 12, 2009 3:26 am

شفافة الله عليكى ياقمررررر وعلى الرومانسيه انتى بجد تجننى ربنا يسعدك ياحبيبه قلبى

_________________





ان استطعت فكن عالما:فأن لم تستطع فكن متعلما


فأن لم تستطع فأحببهم : فأن لم تستطع فلا تبغضهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقه القمر
المشرف العام
المشرف العام
avatar

انثى
العمر : 29
المزاج :
الجنس :
مهن :
هوايه :
نقاط : 418
تاريخ التسجيل : 03/12/2008

مُساهمةموضوع: رد: كرنفال "عيــــــد الحـــــب "   الخميس فبراير 12, 2009 6:25 am

ههههههههههه
كلامك جميل يانور
انا مقدرش على الدلع ده
كده اتعود
منورانى


_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كرنفال "عيــــــد الحـــــب "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» قالوا عن الجمعيه " اخبار الجمعيه فى الصحف "
» سلسلة تاريخ الصحابه "5\أبو هريرة رضي الله عنه "
» صدر حديثاً....كتاب " التجارة الإلكترونية"
» الدوافع "محرك السلوك الانسانى "
» فــــــــــلاش "البــــكائـــــــون" للشيخ/ خالد الراشد

صلاحيات هذا المنتدى:لاتستطيع الرد على المواضيع في هذا المنتدى
فضفضه شبابيه :: فضفضه عامه :: المنتدى العام-
انتقل الى: