فضفضه شبابيه

فضفضه شبابيه

فضفضه شبابيه
 
الرئيسيةالتسجيلدخول

شاطر | 
 

 (@~ .... بطلو معاكسات بقى !!.... ~@)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مي
المدير العام
المدير العام
avatar

انثى
العمر : 27
المزاج :
الجنس :
مهن :
هوايه :
نقاط : 566
تاريخ التسجيل : 19/01/2009

مُساهمةموضوع: (@~ .... بطلو معاكسات بقى !!.... ~@)   الإثنين مايو 11, 2009 12:10 am


يلا على كل الرجاله تركز معايا الكلام ده مهم وموجود فى المقرر
هههههههههههههههههههه


.. صبح .. صبح ..



(ميا مسا علي احلي نسا .. )

.... ( مسا التماسي يا ورد قاعد عالكراسي ..! ) ....

(الو .. يا جميل نظرة ..!! ) ....

( احلي واحدة فيكو انتو التلاتة .. اللي لابسة جزمة حمرا .. ) ....

(يا أنسة...حاسبي يا أنسة العربية اللي وراكي بتمشي ..!! )

( يخربيت النحلة اللي جابت العسل دة كله .. )

( بجد بجد أنا متكهرب الحقيني .. قبل ما امووت .. ) ....!!!


دي كانت باقة جميلة منتقاه بعناية من ارشيف المعاكسات

اللي حبايبنا اللي فاكرين نفسهم بالصلاة عالنبي ذئاب نسا .... وان
اي بنت مهما كانت جميلة عمرها ما تقدر تقاوم البؤين دول ..!!


طب والنعمة يا شيخ .. انا هـارضى ذمتك .. لا معلش متقاومش .. انا
قلت هـارضى ذمتك ..!! وعلى الرغم ان عارف ذمتك اد ميدان التحرير
(لالالا ياكابتن نزل ايدك بس واسمع الكلام ..! ) ..
وخليني اذممك ..!! .... بذمتك .... بذممممتك .... لو انت بنت

معلش يا سيدي تقمص خمس دقايق ان انت بنت .. هه .. خلاص؟ ..
تقمصت ؟!! .... وخليك بنت حلوة .. ايوة ابتسمي بقي كدا والبسي
لبس شيك وامشي في الشارع ..!!

و امشي كدا وامشي وبعدين تلاقي شاب حلو كدا من بتوع الجيم ..
(مش كل بتوع الجيم انا قصدي النوعية اللي بيجيبولها الأجهزه بتاع
الحديد برا الجيم عشان ما بيعرفوش يخشو من باب الجيم ..!! )

هؤلاء الرفاق اللي بيضربو الحقن عشان يبقو فيله .. واسياد قشطات
..( جمع سيد قشطة يا مواطن ..!! )
وفأجه .. تلاقي السيد قشطة دة
بيبتسم ابتسامة من بتاعة الجيم دي ..!! ويقولك انتي كلمة من دول
(مشيها انتي بقي احنا اتفقنا ..! )

..( اية ياااعم البديهات الجامدة دي ي ي يااااعم ..!! ) ....

ولا يقولك واحدة من العبارات السكر اللي فوق ..

لما يقولك : ( الووه.. يا جميل نظرة ) مش بذمتك بتحس بغيظ كدا ..
و نفسك تحطه جوا قفص الاسود وتسيبه هناك لغاية
ما يبان هيكله العظمي ..؟!!

في اية يا جدعاان .... انا بجد بشوف ساعات البنات في عينيهم غيظ
ممكن يولع في الكرة الارضية تلات مرات .. لا وربنا بجد يعني .... انا
اتغظتلهم الحقيقة ....!! قال الو يا جميل نظرة....
( اه .. يا كبدي ياني ) ..!!

من الاخر تلات حاجات انا هقولهم و اتكل علي الله ..
( عشان اعالج كبدي .. انت ناسي ..! )


سمع .... سمع ....!!




أولا : الغباء..!!!

وحياتك يا شيخ ما تبقي غبي ..!!

واحد بيعاكس علي طريقة بوحه : سمع سمع يا عم الحاج .. تلاقي
البوب حافظله كلمتين سكر زيه وبيقولهم بغض النظر عن اي حاجة ..
مثلا تلاقيه شايف واحدة لابسه نضارة كعب كباية .. ويمكن كبايه
كامله كمان ..!

وتلاقية يقولها .. تصدقي بالله .. انا عمري ماشفت عيون زي دي ..!!
( صباح البتنجان يا ريس .. امال لو كانت زبيده ثروت كنت اتصرفت ازاي .. ) ..
او يلاقي واحدة منقبه مثلا ..

( هتقوللي هيعاكس واحدة منقبة ؟ .. هاقوللك امال انا كبدي بيوجعني ليه ..؟!! ) ....
ويقوللها بكل ثقة الواد : والله العظيم انا ما شفت شفايف كدا ابداااااااااا ..!!
( طبعا هنا المنقبة بتتخلي فورا عن نقابها وبتستعمل ضوافرها في تفريغ غلها فى الضحية ..!! )

او مثلا تلاقيه بيتمشي جنب واحدة كيلو كامل من الامتار
( مايعادل تلات محطات مترو يا اكسلانس )
..عشان يقوللها في الاخر ..؟ : رجلي وجعتني اوي .. مش نقف بقي نتكلم حبتين ..؟! ....
( وابعد ياااا مواطن ..عن اي حاجة قابلة للكسر في بيتكو منعا للخسائر ..!! ) ....

فأرجوك يا شيخ والنبي يعني .. لتبقي جنتل كدا وتفهم .. لاما تورينا عرضها .. كتافك يعني .. !!



رخم .. رخم ..!!

ثانيا : الغباء ..!!

ودي تاني صفة معانا النهاردة..بعد ال .. غباء !!

ايوة يا اكسلانس .. مانا هفهمك .. من حيث الغباء : ..في الدنيا نوعين ..(ركز في دي جامدة ..! )..
غباء نظري .. وغباءعملي ..!!

الغباء النظري احنا اتكلمنا خلاص عليه ..
اما العملي فتلاقي البوب ماشي كدا.. وفجأة ,
تلاقية بيمد ايده ماسك ايدها ..!! ..اهو دا نموذج غباء عملي .. او يرمي
نفسه في طريقها كأنه بيعدي الشارع ..!!
( صباح الفل ..! )
او يفرقع جنبها مثلا صواريخ من الصفرا المعفنة دي ..
( دا لو في عيد .. اما لو مش في عيد فدا مش غبي وبس
ده متحدي للاعاقة ..!! )

لو راكب عجلة ممكن يعمل نفسو في رالي السيارات ويحاول يعدي من جنبها ويبقي خلاص هيدوسها
(90% من البنات اللي بتتعاكس كدا .. بتعور الراكب .. وتكسر العجلة ..! ) ....
لو راكب عربية .. نفس الشئ ..!

(
وبردو العربية بتتكسر فوانيسها او ممكن البنت اللى بتعاكسها تلزق لبانتها
في المراية ( والحركة دي بتدايق اووووووووي علي فكرة.... اتقى شرهم
يامواطن !! ) ) ....

ممكن تبقي معدية جنبك كدا . وبعدين بسلامتك ..
تعمل حبة حركات بنسميها
(التشنج اللاإرادي في المعاكسة ..! ) ..
زي : .. انك تسقف مرة واحد تعلن عن وجودك في حياتها ..
( صباح الفل ..! )
..انك تصفر بصوت عالي تعمللها ثقب أوزون في ودنها ..
( صباح القسوة ..! ) ..
انك تنادي علي حد مش موجود ..
(ودي ما شفتش اغبي منها الحقيقة ..!! ) ..
وهكذا من دا غباء ..

فنداء الي اصحاب الغباء العملي .... : قضوها نظري احسن
(عور أخف من عمي ..!! ) ..!!


امشي ..امشي ..!!

ثالثا وآخيرا : الحول ..!!

ايوة الحول يعني عنيك فجأة تشوف البنت ومن كتر جمالها يجيلك حولان في عينيك وتبقي شبة القرد الكولومبي
( كل قرود كولومبيا حولانين ..! ) ..

وتفوتك حبة حاجات كدا وماتخدش بالك منها ممكن يا اما توديك المستشفي ..!! ..لأما القسم ..
(حيث الشعب في خدمة الشرطة ! )

.. لأما .. تروح النار لو كنت كويس والجنة اذا كنت وحش
( تموت يعني من الاخر ..! ) ..

وهاقولك عالحالات دي في اختصار وتركيز .. وانت بتعاكس انسحب احسن وامشي :

1. بنت ماشية وبتبص وراها كتير ....
( جوزها واللي هو أكيد من كفار قريش في محل ما بيشتري حاجة
وقالتله هاسبقك .. النصيحة فكك يبني واجري ليكتبلك شهادة وفاه ..! )

2. بنت ماشية وبردو بتبص وراها كتير ....

( جوزها (اللي من كفار قريش )
بيركن العربية وهي نزلت عشان يروحو المكان الفلاني او المطعم العلاني ..
النصيحة .. مش هيروحو المكان الفلاني ده لانهم هيبقو في العزا بتاعك ..!! )

3. بنت ماشية ولسة بتبص وراها كتير ....

( صاحباتها وراها وهيا سابقاهم بتجيب شكولاته لبان مناديل اي حاجة ..
والنصيحة .. اجري لان مكانك هيبقي القسم .. حيث أمين الشرطة ابو عصاية
كهربا .. والمخبر بسطاويسي ..! )

4. بنت ماشية وبتبص (قدامها) كتير ....
( هيا كدا بتبص علي حد ما واقف وراك وأكيد شافك وانتا بتعاكسها .. والحد ده غالبا بيبقي جوزها .... الي أكيد من كفار قريش ..! )

5. بنت ( واقفة ) .. وما بتبصش خالص ....
(هتنبسط اوي اوي انت وهتقعد تعاكس وتعاكس وتتكلم .. وهتكتشف في عنبر
الكسور في المستشفي انها .. كانت مستنية واحد نازل من العمارة اللي كانت
واقفة قدامها .... وساعتها هتحاول تتخيل منظره .. هتلاقيه كان كشري اوي
وحواجبه تخينه .... لأنه من كفار قريش ..!! )





علي فكرة
لو انت لسة متقمص دور البنت زي مقلتلك .. ؟ .. عايز اقولك كلمه في ودنك يا حلوة .. :


يخربيت النحلة اللي جابت العسل ده كله ....!!




هههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(@~ .... بطلو معاكسات بقى !!.... ~@)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فضفضه شبابيه :: فضفضه عامه :: منتدى الضحك والكوميديا-
انتقل الى: